أضحك من قلبك

**سعيد عبدالله** الخميس يناير 13, 2011 11:35 am

صعيدى رشح نفسه فى الانتخابات كتب تحت صورته

و عسى ان تكرهوا شئ و هو خير لكم

************

صعيدى رجع من الشغل لقى مراته مطبختش فزعل و دخل نام

فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع

************
واحد بيقول لصاحبه الرجاله هيعطوهم ستات قشطة فى الجنة

قال له و الستات بتوعنا هيروحوا فين؟

قال له هيعذبوا بهم الكفار

************
تفتكر ليه لبان كوكو واوا مبقاش موجود فى السوق؟

عشان كوكو خف

************

واحد راح لشيخ و قال له هو ينفع اصلى جماعة وراء الامام فى التليفزيون؟

قال له ما تحط ملايه سودا على التلاجة و تحج بالمرة ************
واحد مصرى اتجوز واحدة صينية باسها بوستين و باظت

************

صعيدى دعى ربنا 15 سنة يرزقه بولد

نزل ملاك من السما قال له ابوس ايدك اتجوز

********* ****

محشش يتأمل ملكوت الله

هو ليه فيه سندباد و مفيش هندباد؟

مع ان فيه جوز هند بس مفيش جوز سند

و ليه فيه شهرزاد و مفيش اسبوع زاد او نقص؟؟

و ليه فيه باكستانى و مفيش باكستالت ولا رابع؟؟

اكيد ربنا له حكمة..

*******

محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل

قال له بكرة مشغول عندى فرح جدى, سأله الموظف انت جدك عايش وعايز يتجوز؟؟

قال له الصراحة مكنش عايز بس ابوه و امه ضاغطين عليه
*******

صعيدى فى الجيش بيقول لعسكرى زميله فى الحرب: انت من دشنا؟؟

قال له لأ

راح ضربه بالنار و قال له تبقى من ديش العدو
*******

ندل انقذ شخص كان بيتحرق

كرموه و سألوه ايه سبب شجاعتك؟

قال لهم انقذته لسببين

الاول: علشان ميموتش شهيد

الثانى: علشان يعيش بقية حياته مشوه

*******

واحد بيقول لصاحبه بتحب ابوك ولا اللحمة؟؟

قال له انت عبيط دى الشوربة بس برقبته

*******

عصفور صدمته عربية و اغمى عليه

صاحب العربية وقف و اخده البيت و حطه فى قفص

صحى العصفور لقى نفسه فى القفص مسجون قال معقوله يكون الراجل مات !!

*******

تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا

الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية

*******

واحد واقف ادام الكعبة بيدعى يارب سامحنى على كل كلمة قلتها على الصعايدة

فواحد صعيدى وراه قال له هى القبلة ازاى؟

قال له شفت يارب هما اللى بينكشونى

*******

صعيدي بخيل مات طلع له بيتين فى الجنة

باع واحد و أجر واحد و سكن مع اخوه فى جهنم

*******

ديك بيقول لفرخة انتى كل يوم تبيضى و عمرك ما كلتى بيض, قالت له ما انت كل يوم بتقوم بالادان و عمرك ما ركعتها

*******

محشش بيقول لصيدلى عندك شريط للبرد؟

قاله اه

قاله شغله خلينا نسمع

*******

مجانين شغل لهم الدكتور اغنية

قاموا كلهم يرقصوا الا واحد

الدكتور فرح و سأله انت ليه مش بترقص معاهم؟

قال له اصل انا العروسة

*******

محشش فى امتحان تعبير و مطلوب 10 صفحات

فكتب فى اول صفحة " ركب الراجل الحصان" و فى اخر صفحة "نزل الراجل من على الحصان"

و بينهم " درجن درجن درجن"

*******

واحد صعيدى مثقف اوى بعت رساله لاخوه بيقول له:

Open happy wrote his book on in in Friday

يقصد:

فتحى سعيد كتب كتابه على فيفى جمعه

*******

حرامى بيقول لامه الدنيا معدش فيها اخلاص

بسرق محفظة ابويا لقيت محفظتى معاه

*******

محشش وقفوه فى كمين سألوه مش رابط الحزام ليه؟

رد انا اصلا مش لابس البنطلون

*******

افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى

الولد قال لابوه نوديها البيت و ناكلها

قال له لا نوديها البيت و ناكل امك

*******

واحد مسطول ماشى بعربيته عكس الاتجاه

سمع المذيعة فى الراديو بتقول: الشرطة تلاحق واحد يمشى عكس الاتجاه

قال لنفسه: هههه هوا واحد بس دنا شايف عشرين لحد دلوقتى

*******

صعيدى مش عايز يرد على صاحبه بعتله رساله

انا ناسى الموبيل فى البيت

*******

صرصار بيجرى ورا عربية المجارى سألوه ليه؟

قال لهم ابن الكلب شفط المدام

*******

صعيدى سرق مليون جنيه خدهم و شالهم فى حفرة و كتب "مفيش فلوس هنا"

راح حمدان ابن عمه خدهم و كتب " حمدان مخدش حاجة"

*******

واحد راح للدكتور و حكى له عن حالته و قال له انا كل ما اصحى من النوم الاقى نفسى مندهش

راح الدكتور كاتب له علاج فصحى تانى يوم لقى نفسه مش مندهش فاندهش ..

*******

غبي بيشنقوه شاورلهم بايده

نزلوه و سألوه فى ايه؟

قال لهم كنت هموت يا جزم

*******

بلادينا بيقول لبلادينا" انا تعبان من الروماتيزم"

رد عليه و قال له " وانا جرجاوى من فرشوط "

*******

مصرى بيسأل لبنانى كيف الدنيا معاك؟

قال له بالنهار سايق هامر و بليل مع قمر

وانت؟

قال له المصرى

بالنهار سايق تريلا و بليل مع غوريلا

*******

قمة النحس واحد يقع من طيارة على اتوبيس كله بنات و ينزل فى حضن السواق

*******

واحد حب يدلع مراته قال لها انتى حمامة قالتله لا غزاله

قال لها المهم انك حيوانة

*******

صعيدى سمع ان 100 واحد ماتوا فى الحج

قال ربنا يستر و ميكونش فيهم مسلمين

*******

واحد قرأ على علبة لبن " خالى من الدسم "

كتب جنبها " وانا خالى من سوهاج "

*******

عام 1986 تعلم 15 من الصعايدة لعبة الاستغماية و لم يظهر منهم احد حتى الان

*******

صعيدى بيطلع فى الروح لحقه شيخ قال له انطق الشهادة بسرعة قال: دبلوم صنايع